Pratiksha

sara jeevan insaan ka beet jata hai pratiksha mein,
bachpan mein bade hone ki pratiksha ,
kabhi kisi vastu ko pane ki pratiksha ,
kabhi sapne poore hone ki pratiksha,
kabhi sab vo paa jane ki pratiksha jo chahata hai insaan,
bas pratiksha hi pratiksha,
raat ko subha hone ki , subaha ko shaam hone ki shaam ko phir raat hone ki,
aur is pratiksha ke chakra mein ghumta insaan beeta deta hai sara jeevan,
jab jeevan vyatit hota jata hai pratishayein kya kam hoti hain...
shayaad nahi...
ankhon ki palko par , bas rahti hai sirf aur sirf EK PRATIKSHA,
par agar kisi din ho gayi pratikshain samapta . to kya jeevan jiya ja sakega
shayad nahi..
karte raho pratiksha ..shaayad kabhi samapta ho jai yeh hamari pratiksha...

Manasvini M Yogi